বেকুপর মাষ্টার অডা
তুই কি বুঝিবি মাইজভান্ডারী,
অধর কথা কই দিয়ম
বেশী গইল্যে বাড়াবাড়ি।।

বিয়া গইত্যে লইয়ে তোত্তুন লাখ টেঁয়ার কাবিন
জিয়রনা মোহরানা লইয়ে বেয়াগ্গিন,
হেই কাবিন মতে বউ চালাইলে
বউ যাইব গৈ তোরে ছাড়ি।।

জমিন নাই তোর দখলত আছে দলিল সিট খৈত্ত্যান
হেই দলিল উঅর চাষ গরিলে পাবিনি কও,
ধান জমিন তোর নিলামত উইট্যৈ
চেষ্টা গর গৈ উকিল ধরি।।

যেডে হেডে ন গরিস তুই বিদ্যা লই বড়াই
এ দুনিয়ার আলিফ বে ঐ দুনিয়াত নাই,
যাইবার সমত ঘাট পার হইতে
শয়তানে লইব বেয়াগ্গিন কাড়ি।।