গফুর হালী

এতদিনে বুঝিতরে পাইল্লাম
আঁরল্লাই বুলি তোত্তে নাই আদর,
হাতে হাত্তান রাখি কঅলিরে
ন ছারিবি বুলি জনমবর।।

ছারি যদি যাবিরে জাইনতাম
সারা জনম আঁই একারে থাইকতাম
আধা পথত তোরে ন গইত্যাম দোসর;
ওরে কন দোষে তুই ভাঙ্গিয়া দিবিরে
দোনো জনর এমন সুখর ঘর।।

পরদেশে তুই থাকবিরে সুখে
দিন যাইব আঁর দুখে রে দুখে
খাইল্যা ঘরর মাঝে থাইক্যম একাশ্বর;
ওরে পিঞ্জর ছারি পাখী ধাইলেরে
তালাশিলে ন পায় খোঁজ খবর।।

প্রাসঙ্গিক লেখা

মন্তব্য করুন

আপনার ই-মেইল এ্যাড্রেস প্রকাশিত হবে না।

error: Content is protected !!